關渡之戀
《關渡之戀》Kan-tāu tsi Luân
鄧詠家Tīng Īng-ka
——————————————
我的心
guá ê sim
踮在八里袂輕鬆
tiàm-tsāi Pat-lí buē khin-sang
你的愛
lí ê ài
踮在淡水也沉重
tiàm-tsāi Tām-tsuí iā tîm-tāng
若毋是渡船
nā m̄-sī tōo-tsûn
渡咱過江
tōo lán kuè kang
千里相思一場空
tshian-lí siunn-si tsi̍t-tiûnn khang
追夢紅色橋
tui bāng âng-sik kiô
可比月老紅線牽
khó-pí gua̍t-nóo âng-suànn khan
我的心你的愛
guá ê sim lí ê ài
暝日黏絚絚
mî-ji̍t liâm ân-ân
雙雙對對好姻緣
siang-siang tuì-tuì hó in-iân
春風送花芳
tshun-hong sàng hue-phang
月娘水影相戲弄
gue̍h-niû tsuí-iánn sio hì-lāng
迷茫的海灣
bê-bông ê hái-uan
船螺聲浪漫
tsûn-lê siann lōng-bān
關渡媽祖最靈感
Kan-tāu Má-tsóo tsuè lîng-kám
奉上清香保平安
hōng-siōng tshing-hiunn pó pîng-an
有情人關渡之戀
ū-tsîng-lâng Kan-tāu tsi luân
有情人關渡之戀
ū-tsîng-lâng Kan-tāu tsi luân
