難忘的初戀情人
《難忘的初戀情人》(臺語版) Lân-bōng ê Tshoo-luân Tsîng-jîn
鄧麗君Tīng Lē-kun
—————————————
難忘的初戀的人
lân-bōng ê tshoo-luân ê lâng
為你心茫茫
uī lí sim bâng-bâng
明知無緣結成雙
bîng-tsai bô-iân kiat sîng-siang
較想也你一人
khah siūnn iā lí tsi̍t-lâng
雖然難成雙
sui-jiân lân sîng-siang
猶原愛你一世人
iu-guân ài lí tsi̍t-sì-lâng
陣陣冷風
tsūn-tsūn líng-hong
毋吹別項
m̄ tshue pa̍t-hāng
較吹也彼个人
khah tshue iā hit ê lâng
難忘初戀的人
lân-bōng tshoo-luân ê lâng
難忘的初戀的人
lân-bōng ê tshoo-luân ê lâng
月娘照入窗
gue̍h-niû tsiò ji̍p thang
照著阮的心房
tsiò tio̍h gún ê sim-pâng
照著相思欉
tsiò tio̍h siunn-si-tsâng
阮的初戀夢
gún ê tshoo-luân-bāng
無頭無尾變成空
bô-thâu-bô-bué piàn-sîng khang
多情月娘
to-tsîng gue̍h-niû
毋照別項
m̄ tsiò pa̍t-hāng
較照也彼个人
khah tsiò iā hit ê lâng
難忘初戀的人
lân-bōng tshoo-luân ê lâng
難忘的初戀的人
lân-bōng ê tshoo-luân ê lâng
遙遠的美夢
iâu-uán ê bí-bāng
孤單影孤單人
koo-tuann iánn koo-tuann lâng
痴迷心茫茫
tshi-bê sim bâng-bâng
為著初戀夢
uī-tio̍h tshoo-luân-bāng
規日心內亂氅氅
kui-ji̍t sim-lāi luān-tsháng-tsháng
毋知精神
m̄-tsai tsing-sîn
抑是眠夢
ia̍h-sī bîn-bāng
雖然是目箍紅
sui-jiân sī ba̍k-khoo âng
難忘初戀的人
lân-bōng tshoo-luân ê lâng
