有夢一路陪
《有夢一路陪》Ū Bāng Tsi̍t-lōo Puê
談詩玲Tâm Si-lîng
——————————————
情袂當予我自由飛
tsîng buē-tàng hōo guá tsū-iû pue
親像斷翼的田嬰
tshin-tshiūnn tn̄g-si̍t ê tshân-enn
只有恬恬聽人的
tsí-ū tiām-tiām thiann lâng ê
欲掠欲放隨伊手底
beh lia̍h beh pàng suî i tshiú-té
心毋知氣力賰偌濟
sim m̄-tsai khuì-la̍t tshun guā-tsē
若欲等待苦經過
nā beh tán-thāi khóo king-kuè
不如雙手家己揣
put-jû siang-tshiú ka-kī tshuē
無恨無後悔
bô hūn bô hiō-hué
無怨天地
bô uàn thinn-tē
毋願插翼也難飛
m̄-guān tshah-si̍t iā lân pue
飛出烏暗的陷阱
pue tshut oo-àm ê hām-tsénn
我的人生毋免用
guá ê jîn-sing m̄-bián iōng
用盡性命來懺悔
iōng-tsīn sìnn-miā lâi tshàm-hué
希望展翼自由飛
hi-bāng thián-si̍t tsū-iû pue
飛向世間的美麗
pue hiòng sè-kan ê bí-lē
予我人生毋免用
hōo guá jîn-sing m̄-bián iōng
用盡傷心講一切
iōng-tsīn siong-sim kóng it-tshè
有夢
ū bāng
毋驚風雨對面過
m̄-kiann hong-hōo tuì bīn kuè
有夢
ū bāng
才有幸福一路陪
tsiah ū hīng-hok tsi̍t-lōo puê
