無情的過去
《無情的過去》Bô-tsîng ê Kuè-khì
潘佩莉Phuann Puē-lī
——————————————
今夜的窗邊
kim-iā ê thang-pinn
又落著毛毛的雨水
iū lo̍h tio̍h mn̂g-mn̂g ê hōo-tsuí
若想起這段感情
nā siūnn-khí tsit tuānn kám-tsîng
也是放袂離
iā-sī pàng buē-lī
枉費我對你
óng-huì guá tuì lí
用盡真心佮真意
iōng-tsīn tsin-sim kah tsin-ì
若無心的人
nā bô-sim ê lâng
講啥物攏無意義
kóng siánn-mih lóng bô ì-gī
夜半的相思
iā-puànn ê siunn-si
笑家己無夠清醒
tshiò ka-kī bô-kàu tshing-tshínn
原來你的身邊
guân-lâi lí ê sin-pinn
早就有一个伊
tsá tiō ū tsi̍t-ê i
趁早來收回感情
thàn-tsá lâi siu-huê kám-tsîng
才袂太傷悲
tsiah buē thài siong-pi
相信我也有
siong-sìn guá iā ū
離開的勇氣
lī-khui ê ióng-khì
一遍一遍花言巧語
tsi̍t-piàn-tsi̍t-piàn hua-giân khá-gí
講甲遮甜蜜
kóng kah tsiah tinn-bi̍t
一句一句愛你愛你
tsi̍t-kù-tsi̍t-kù ài lí ài lí
我敢擔會起
guá kám tann ē-khí
無需要閣再想起
bô su-iàu koh-tsài siūnn-khí
愛情有偌甜
ài-tsîng ū guā tinn
莫閣提起
mài koh thê-khí
無情的過去
bô-tsîng ê kuè-khì
