我是遮爾思念你
《我是遮爾思念你》Guá Sī Tsiah-nī Su-liām Lí
蔡幸娟Tshuà Hīng-kuan
——————————————
我是遮爾思念你
guá sī tsiah-nī su-liām lí
袂當講出的滋味
buē-tàng kóng-tshut ê tsu-bī
囥踮心頭
khǹg tiàm sim-thâu
已經也是遮濟年
í-king iā-sī tsiah tsuē nî
如今用最後的勇氣
jû-kim iōng tsuè-āu ê ióng-khì
這張批寫予你
tsit tiunn phue siá hōo lí
雖然毋是真濟字
sui-jiân m̄-sī tsin tsuē jī
一句一字真情意
tsi̍t-kù-tsi̍t-jī tsin tsîng-ì
我是遮爾思念你
guá sī tsiah-nī su-liām lí
袂當講出的滋味
buē-tàng kóng-tshut ê tsu-bī
一段經過
tsi̍t-tuānn king-kuè
風霜酸甜的相思
hong-song sng-tinn ê siunn-si
也無期待人會看出
iā bô kî-thāi lâng ē khuànn-tshut
為怎樣離開你
uī-tsuánn-iūnn lī-khui lí
我的心
guá ê sim
像孤鳥叫規暝
tshiūnn koo-niáu kiò kui-mî
(像秋風透規暝)
(tshiūnn tshiu-hong thàu kui-mî)
叫我按怎(怎樣)放會開
kiò guá án-tsuánn (tsuánn-iūnn) pàng ē-khui
叫我按怎(怎樣)毋想你
kiò guá án-tsuánn (tsuánn-iūnn) m̄-siūnn lí
我的人是離開你
guá ê lâng sī lī-khui lí
不過心像針咧揻
put-kò sim tshiūnn tsiam teh ui
世間哪會遮傷悲
sè-kan ná ē tsiah siong-pi
有情欲愛
ū-tsîng beh ài
不由己
put-iû-kí
思念的心
su-liām ê sim
就放伊疼規暝
tiō pàng i thiànn kui-mî
