慣勢
《慣勢》Kuàn-sì
蔡麗津Tshuà Lē-tin(蔡以真Tshuà Í-tsin)
——————————————
寒冷的夜
hân-líng ê iā
坐佇大廳
tsē tī tuā-thiann
看著你相片
khuànn-tio̍h lí siòng-phìnn
毋知想啥
m̄-tsai siūnn siánn
我已經
guá í-king
慣勢這款的生活
kuàn-sì tsit khuán ê sing-ua̍h
袂予感情擾亂我
buē hōo kám-tsîng jiáu-luān guá
深情海岸
tshim-tsîng hái-huānn
陣陣螺聲
tsūn-tsūn lê-siann
聽著Radio放送情歌
thiann-tio̍h Radio hòng-sàng tsîng-kua
我已經
guá í-king
慣勢這款的生活
kuàn-sì tsit khuán ê sing-ua̍h
一个人嘛袂感覺孤單
tsi̍t-ê-lâng mā buē kám-kak koo-tuann
為家己煮一杯
uī ka-kī tsú tsi̍t-pue
厚厚的摩卡
kāu kāu ê môo-khah
咖啡芳味陪伴著我
ka-pi phang-bī puê-phuānn tio̍h guá
無需要感情
bô su-iàu kám-tsîng
無聊的攪吵
bô-liâu ê kiáu-tshá
這種享受
tsit-tsióng hiáng-siū
阮家己知影
gún ka-kī tsai-iánn
為家己做一个輕鬆的Spa
uī ka-kī tsuè tsi̍t-ê khin-sang ê Spa
聽著懷念上愛的歌
thiann-tio̍h huâi-liām siōng ài ê kua
無你
bô lí
阮袂來傷心肝
gún buē lâi siong sim-kuann
已經慣勢這款的生活
í-king kuàn-sì tsit khuán ê sing-ua̍h
