四兩撥千斤
《四兩撥千金》Sì-niú Puah Tshian-kim
蔡義德Tshuà Gī-tik
——————————————
銀角仔落塗有兩面
gîn-kak-á lo̍h-thôo ū nn̄g-bīn
到底愛阮是假抑是真
tàu-té ài gún sī ké ia̍h-sī tsin
你的愛人仔算袂盡
lí ê ài-jîn-á sǹg buē tsīn
毋知阮是主角抑陪賓
m̄-tsai gún sī tsú-kak ia̍h puê-pin
你用四兩撥千金
lí iōng sì-niú puah tshian-kim
講阮心軟耳空輕
kóng gún sim nńg hīnn-khang khin
你的甜言感動阮的心
lí ê tinn-giân kám-tōng gún ê sim
害阮愈蹽是愈深
hāi gún jú liâu sī jú tshim
真正傷啊傷腦筋
tsin-tsiànn siong–ah siong-náu-kin
怪阮目睭實在無夠金
kuài gún ba̍k-tsiu si̍t-tsāi bô-kàu kim
毋甘看破才會情纏身
m̄-kam khuànn-phuà tsiah ē tsîng tînn-sin
註定苦酒家己斟家己啉
tsù-tiānn khóo-tsiú ka-kī thîn ka-kī lim
