世間米
《世間米》Sè-kan Bí
蔡義德 Tshuà Gī-tik
——————————————
細漢飼囝歹算頓
sè-hàn tshī kiánn pháinn sǹg tǹg
大漢飼母照算飯
tuā-hàn tshī bú tsiàu sǹg pn̄g
一暝一寸爸母心酸
tsi̍t-mî tsi̍t-tshùn pē-bú sim-sng
年老無伴啥人問
nî-lāu bô phuānn siánn-lâng mn̄g
細漢飼囝無惜本
sè-hàn tshī kiánn bô sioh-pún
大漢飼母針針算
tuā-hàn tshī bú tsiam-tsiam sǹg
青春歲月滿面皺痕
tshing-tshun suè-gua̍t muá-bīn jiâu-hûn
換來心酸掛心腸
uānn lâi sim-sng kuà sim-tn̂g
啊~天啊天
ah~ thinn–ah thinn
你敢有咧看
lí kám ū teh khuànn
啊~天啊天
ah~ thinn–ah thinn
怎樣來審判
tsuánn-iūnn lâi sím-phuànn
怨嘆天無甲子
uàn-thàn thinn bô kah-tsí
人無倫理
lâng bô lûn-lí
良知正義
liông-ti tsìng-gī
寄在糞埽堆
kià tsāi pùn-sò-tui
違背人情義理
uî-puē jîn-tsîng gī-lí
又不明是非
iū put-bîng sī-hui
一生枉費
it-sing óng-huì
白食了世間米
pe̍h tsia̍h-liáu sè-kan bí
