黃昏的故鄉
《黃昏的故鄉》Hông-Hun ê Kòo-Hiong
蔡振南Tshuà Tsín-lâm
—————————————–
叫著我 叫著我
kiò tio̍h guá, kiò tio̍h guá
黃昏的故鄉不時咧叫我
hông-hun ê kòo-hiong put-sî teh kiò–guá
叫我這个苦命的身軀
kiò guá tsit-ê khóo-miā ê sin-khu
流浪的人無厝的渡鳥
liû-lōng ê lâng bô tshù ê tōo-tsiáu
孤單若來到異鄉
koo-tuann nā lâi-kàu ī-hiong
不時也會念家鄉
put-sî iā ē liām ka-hiong
今日又是來聽見著
kim-ji̍t iū sī lâi thiann kìnn-tio̍h
喔~親像咧叫我的
ooh~ tshin-tshiūnn teh kiò–guá ê
叫著我 叫著我
kiò tio̍h guá, kiò tio̍h guá
黃昏的故鄉不時咧叫我
hông-hun ê kòo-hiong put-sî teh kiò–guá
懷念彼時故鄉的形影
huâi-liām hit-sî kòo-hiong ê hîng-iánn
月光不時照落的山河
gue̍h-kng put-sî tsiò lo̍h ê san-hô
彼爿山 彼條溪水
hit-pîng suann, hit tiâu khe-tsuí
永遠抱著咱的夢
íng-uán phāu tio̍h lán ê bāng
今夜又是來夢著伊
kim-iā iū sī lâi bāng tio̍h i
喔~親像咧等我的
ooh~ tshin-tshiūnn teh tán–guá ê
叫著我 叫著我
kiò tio̍h guá, kiò tio̍h guá
黃昏的故鄉不時咧叫我
hông-hun ê kòo-hiong put-sî teh kiò guá
含著悲哀也有帶目屎
hâm tio̍h pi-ai iā ū tuà ba̍k-sái
盼我轉去的聲叫無停
phàn guá tńg-khì ê siann kiò bô thîng
白雲啊 你若欲去
pe̍h-hûn ah, lí nā bueh khì
請你帶著阮心情
tshiánn lí tuà tio̍h gún sim-tsîng
送去予伊我的阿母
sàng khì hōo i guá ê a-bú
喔~毋通來袂記得
ooh~ m̄-thang lâi buē kì–eh
