望郎早歸
《望郎早歸》Bāng Lông Tsá Kui
蔡振南 Tshuà Tsín-lâm
——————————————
思念我君坐在窗
su-liām guá kun tsē tsāi thang
東邊月娘紅
tang-pinn ge̍h-niû âng
春風吹來阮一人
tshun-hong tshue lâi gún tsi̍t-lâng
袂得照希望
buē-tit tsiàu hi-bāng
離開遮久的臺灣
lī-khui tsiah kú ê Tâi-uân
無想咱鄉村
bô siūnn lán hiong-tshuan
厝內又閣遮爾散
tshù-lāi iū-koh tsiah-nī sàn
啥人袂怨嘆
siánn-lâng buē uàn-thàn
離開比水流較遠
lī-khui pí tsuí lâu khah hn̄g
放阮在田庄
pàng gún tsāi tshân-tsng
佮囝一日食一頓
kah kiánn tsi̍t-ji̍t tsia̍h tsi̍t-tǹg
消瘦面青黃
siau-sán bīn tshinn-n̂g
囝若哭欲鳥仔糖
kiánn nā khàu bueh tsiáu-á-thn̂g
一暝哭甲光
tsi̍t-mî khàu kah kng
我君仔是你失拍算
guá kun-á sī lí sit phah-sǹg
怎樣去遐遠
tsuánn-iūnn khì hiah hn̄g
看見水底的鴛鴦
khuànn-kìnn tsuí-té ê uan-iunn
加添阮的憂愁
ka-thiam gún ê iu-tshiû
目屎那流又那想
ba̍k-sái ná lâu iū ná siūnn
袂得轉家鄉
buē-tit tńg ka-hiunn
囝若哭枵又無飯
kiánn nā khàu iau iū bô pn̄g
代用番薯湯
tāi-iōng han-tsî thng
想欲做工跤手軟
siūnn-bueh tsuè-kang kha-tshiù nńg
啥人心袂酸
siánn-lâng sim buē sng
