月娘伴天星
《月娘伴天星》Gue̍h-niû Phuānn Thinn-tshinn
蔡淳云Tshuà Sûn-ûn
——————————————
今夜月當圓
kim-iā gue̍h tng înn
心內陣陣思念你
sim-lāi tsūn-tsūn su-liām lí
想著遠在他鄉的你
siūnn-tio̍h uán tsāi thann-hiong ê lí
心攏綴你去
sim lóng tuè lí khì
窗外風微微
thang-guā hong bî-bî
將阮的愛寫予你
tsiong gún ê ài siá hōo lí
藏佇風中
tshàng tī hong-tiong
吹向天邊
tshue hiòng thinn-pinn
吹向你身邊
tshue hiòng lí sin-pinn
啊~月娘伴天星
ah~ gue̍h-niû phuānn thinn-tshinn
夢中情綿綿
bāng-tiong tsîng mî-mî
毋管三年五年
m̄-kuán sann-nî gōo-nî
攏有我佇遮等你
lóng ū guá tī tsia tán lí
啊~月缺又月圓
ah~ gue̍h khih iū gue̍h înn
一暝又一暝
tsi̍t-mî iū tsi̍t-mî
真心牽相隨
tsin-sim khan siong-suî
期待早日
kî-thāi tsá-ji̍t
佮你團圓
kah lí thuân-înn
