我袂行但是我欲拍拚
《我袂行但是我欲拍拚》Guá Buē Kiânn Tān-sī Guá Beh Phah-piànn
蔡義德Tshuà Gī-tik
——————————————
看別人
khuànn pa̍t-lâng
一步一步行
tsi̍t-pōo-tsi̍t-pōo kiânn
欣羨無用
him-siān bô-iōng
天註定
thinn tsù-tiānn
因為我出世這款命
in-uī guá tshut-sì tsit khuán miā
但是我猶原認真拍拚
tān-sī guá iu-guân jīn-tsin phah-piànn
跋倒起閣再行
pua̍h-tó peh-khí koh-tsài kiânn
我需要鼓勵
guá su-iàu kóo-lē
我需要恁支持
guá su-iàu lín tsi-tshî
怨嘆無意義
uàn-thàn bô ì-gī
奮鬥是真理
hùn-tàu sī tsin-lí
有人醉生夢死
ū-lâng tsuì-sing-bāng-sí
有人認真充實自己
ū-lâng jīn-tsin tshiong-si̍t tsū-kí
會行袂行
ē kiânn buē kiânn
仝款的運命
kāng-khuán ê ūn-miā
啊~我袂行
ah~ guá buē kiânn
但是我欲拍拚
tān-sī guá beh phah-piànn
