一笑天下
《一笑天下》It Tshiàu Thian-hā
蔡振南 Tshuà Tsín-lâm
——————————————
一笑天下亂紛紛
it tshàu thian-hā luān hun-hun
世事雜亂無單純
sè-sū tsa̍p-luān bô tan-sûn
試問人間多少事
tshì mn̄g jîn-kan to-siáu sū
橫直是非誰問論
huâinn-ti̍t sī-hui suî mn̄g-lūn
再笑紅塵多煩憂
tsài tshiàu hông-tîn to huân-iu
直中無門曲中求
ti̍t tiong bô mn̂g khiok tiong kiû
試問人間為何愁
tshì mn̄g jîn-kan uī-hô tshiû
紛紛擾擾幾時休
hun-hun jiáu-jiáu kí-sî hiu
三笑戇人看世間
sam tshiàu gōng-lâng khuànn sè-kan
甘願為情受苦難
kam-guān uī tsîng siū khóo-lān
試問人間情何物
tshì mn̄g jîn-kan tsîng hô bu̍t
肝腸寸斷空遺憾
kan-tshiâng tshùn tuān khong uî-hām
