陽關
《陽關》Iông-kuan
蔡秋鳳 Tshuà Tshiu-hōng
——————————————
情落陽關下
tsîng lo̍h Iông-kuan hā
深深愛慕情難捨
tshim-tshim ài-bōo tsîng lân siá
歲月洗盡了鉛華
suè-gua̍t sé tsīn liáu iân-hua
目睭金金看
ba̍k-tsiu kim-kim-khuànn
哀怨媠人無媠命
ai-uàn suí-lâng bô suí-miā
多少梟雄為愛受折磨
to-siáu hiau-hiông uī ài siū tsik-buâ
一枝筆佮紙
tsi̍t-ki pit kah tsuá
註定今生你佮我
tsù-tiānn kim-sing lí kah guá
三世姻緣拆袂散
sam-sè in-iân thiah buē suànn
不見秋風寒
put kiàn tshiu-hong kuânn
不見琵琶聲聲彈
put kiàn pî-pê siann-siann tuânn
只賰沙沙落葉風雨聲
tsí tshun sua-sua lo̍h-hio̍h hong-hōo siann
你看百合花開規山嶺
lí khuànn pah-ha̍p-hue khui kui suann-niá
每一欉攏是思念
muí tsi̍t-tsâng lóng-sī su-liām
故事慢慢寫
kòo-sū bān-bān siá
一段一段
tsi̍t-tuānn tsi̍t-tuānn
醒來後
tshínn–lâi āu
千古夢一攤
tshian-kóo bāng tsi̍t-thuann
你看白翎鷥佔規海岸
lí khuànn pe̍h-līng-si tsiàm kui hái-huānn
代替你佮阮做伴
tāi-thè lí kah gún tsuè-phuānn
故事寫到遮
kòo-sū siá kàu tsia
一人一半
tsi̍t-lâng tsi̍t-puànn
情落陽關下
tsîng lo̍h Iông-kuan hā
換來是孤單
uānn–lâi sī koo-tuann
