惜福
https://www.youtube.com/watch?v=FSN1q_a4soQ
《惜福》Sioh-hok
蔡秋鳳 Tshuà Tshiu-hōng
——————————————
人出世就來哭
lâng tshut-sì tiō lâi khàu
伊知坎坷的人生咧等候
i tsai khám-khia̍t ê jîn-sing teh tán-hāu
歡喜悲傷伴你到老
huann-hí pi-siong phuānn lí kàu lāu
寶貴的青春
pó-kuì ê tshing-tshun
哪通放水流
ná thang pàng-tsuí-lâu
成功失敗免計較
sîng-kong sit-pāi bián kè-kàu
紅天赤日仔
âng-thinn tshiah-ji̍t-á
也會落山後
iā ē lo̍h suann-āu
天地有情
thinn-tē ū-tsîng
人間有愛
jîn-kan ū ài
著愛惜福才應該
tio̍h-ài sioh-hok tsiah ìng-kai
你我踮世間是過客
lí guá tiàm sè-kan sī kuè-kheh
好䆀總是輕鬆來行一回
hó-bái tsóng-sī khin-sang lâi kiânn tsi̍t huê
珍惜咱現有
tin-sioh lán hiān-iú
毋通過頭來強求
m̄-thang kuè-thâu lâi kiông-kiû
傷別人傷自己
siong pa̍t-lâng siong tsū-kí
添憂愁
thiam iu-tshiû
啊~短短的人生
ah~ té-té ê jîn-sing
何必親像走馬燈
hô-pit tshin-tshiūnn tsáu-bé-ting
惜福的人
sioh-hok ê lâng
才是人上人
tsiah-sī jîn-siōng-jîn
