望故鄉
《望故鄉》Bāng Kòo-hiong
蔡秋鳳Tshuà Tshiu-hōng
——————————————
無聊一个人
bô-liâu tsi̍t-ê-lâng
徛踮咧路邊
khiā tiàm-teh lōo-pinn
看著別人行來行去
khuànn-tio̍h pa̍t-lâng kiânn lâi kiânn khì
毋知逐家
m̄-tsai ta̍k-ke
是欲趕往佗位去
sī beh kuánn-óng tó-uī khì
沉重的心為啥物
tîm-tāng ê sim uī-siánn-mi̍h
黃昏坐踮咧公園水池邊
hông-hun tsē tiàm-teh kong-hn̂g tsuí-tî pinn
看著水鴨游來游去
khuànn-tio̍h tsuí-ah iû lâi iû khì
聽見母親叫囝兒緊倒轉去
thiann-kìnn bú-tshin kiò kiánn-jî kín tò-tńg–khì
阮的目箍煞紅記記
gún ê ba̍k-khoo suah âng-kì-kì
望故鄉
bāng kòo-hiong
你敢有聽見
lí kám ū thiann–kìnn
阿母啊
a-bú–ah
我真思念你
guá tsin su-liām lí
想著你輕輕
siūnn-tio̍h lí khin-khin
輕輕叫著阮名字
khin-khin kiò tio̍h gún miâ-jī
聲聲攏叫阮放袂記
siann-siann lóng kiò gún pàng-buē-kì
望故鄉
bāng kòo-hiong
故鄉的氣味
kòo-hiong ê khì-bī
引起阮滿腹的稀微
ín-khí gún muá-pak ê hi-bî
