毋敢閣再愛
《毋敢閣再愛》M̄-kánn Koh-tsài Ài
蔡秋鳳Tshuà Tshiu-hōng
——————————————
伸手欲拭你目屎
tshun-tshiú beh tshit lí ba̍k-sái
自己的淚流落來
tsū-kí ê luī lâu–lo̍h-lâi
愛河的情伴坐規排
ài-hô ê tsîng-phuānn tsē kui-pâi
為何咱會分東西
uī-hô lán ē hun tang-sai
當初若無遐相愛
tong-tshoo nā bô hiah siong-ài
今日就袂遮悲哀
kim-ji̍t tsiū buē tsiah pi-ai
愛河的惜別心感慨
ài-hô ê sioh-pia̍t sim kám-khài
一生只愛你一擺
it-sing tsí ài lí tsi̍t-pái
跤步那行那怨慼
kha-pōo ná kiânn ná uàn-tsheh
毋敢越頭講再會
m̄-kánn ua̍t-thâu kóng tsài-huē
愛河的橋邊有明月
ài-hô ê kiô-pinn ū bîng-gue̍h
緣份像水不再回
iân-hūn tshiūnn tsuí put-tsài huê
當初兩人有立誓
tong-tshoo nn̄g-lâng ū li̍p-sè
無疑今日孤一个
bô-gî kim-ji̍t koo tsi̍t-ê
愛河的流水深到底
ài-hô ê lâu-tsuí tshim kàu-té
一生只愛你一个。
It-sing tsí ài lí tsi̍t-ê.
