心愛你敢知
《心愛你敢知》Sim-ài Lí Kám Tsai
蔡秋鳳Tshuà Tshiu-hōng
——————————————
為情為愛為將來
uī tsîng uī ài uī tsiong-lâi
才來蹛佇煙花界
tsiah lâi tuà tī ian-hua-kài
誰知無人肯諒解
siáng tsai bô-lâng khíng liōng-kái
予阮欲哭無目屎
hōo gún beh khàu bô ba̍k-sái
滿腹委屈
muá-pak uí-khut
心酸真悲哀
sim sng tsin pi-ai
無人會了解
bô-lâng ē liáu-kái
心愛的你敢知
sim-ài–ê lí kám tsai
心愛的你敢知
sim-ài–ê lí kám tsai
你敢知影
lí kám tsai-iánn
阮的心肝內
gún ê sim-kuann-lāi
幸福人生
hīng-hok jîn-sing
啥人無愛
siánn-lâng bô-ài
啥人無愛自由自在
siánn-lâng bô-ài tsū-iû tsū-tsāi
望你真心相對待
bāng lí tsin-sim sio tuì-thāi
毋通予阮閣流目屎
m̄-thang hōo gún koh lâu ba̍k-sái
