今夜放心醉
《今夜放心醉》Kim-iā Hòng-sim Tsuì
蔡秋鳳 Tshuà Tshiu-hōng
——————————————
風也伴我醉
hong iā phuānn guá tsuì
雨也伴我醉
hōo iā phuānn guá tsuì
無人來共我安慰
bô-lâng lâi kā guá an-uì
清醒是有啥意義
tshing-tshínn sī ū siánn ì-gī
愛嘛無稀奇
ài mā bô hi-kî
恨嘛無所謂
hūn mā bû-sóo-uī
橫直心也已經碎
huînn-ti̍t sim iā í-king tshuì
傷痕補也補袂離
siong-hûn póo iā póo buē-lī
是好是歹攏過去
sī hó sī pháinn lóng kuè-khì
欲愛欲恨隨在伊
beh ài beh hūn suî-tsāi i
往事看破像流水
óng-sū khuànn-phuà tshiūnn liû-suí
愛情兩字毋值錢
ài-tsîng nn̄g-jī m̄-ta̍t tsînn
啤酒紹興的啉袂醉
bì-luh siāu-hìng–ê lim buē tsuì
威士忌XO共捾來開
ui-sú-kih ek-su-oo kā kuānn lâi khui
啊!愛人離開去
ah! ài-jîn lī-khui–khì
放阮今夜放心醉
pàng gún kim-iā hòng-sim tsuì
