醉過
《醉過》Tsuì–kuè
蔡小虎Tshuà Sió-hóo
——————————————
看你無奈越頭行
khuànn lí bô-nāi ua̍t-thâu kiânn
目屎像雨流袂煞
ba̍k-sái tshiūnn hōo lâu buē suah
想欲挽回離開的形影
siūnn-beh bán-huê lī-khui ê hîng-iánn
忍疼毋敢喝出聲
jím-thiànn m̄-kánn huah tshut-siann
意愛不變咱知影
ì-ài put-piàn lán tsai-iánn
情路茫茫怎樣行
tsîng-lōo bâng-bâng tsuánn-iūnn kiânn
啊~錯愛的路
ah~ tshò-ài ê lōo
就行到遮
tiō kiânn kàu tsia
孤單的心孤單影
koo-tuann ê sim koo-tuann iánn
夢中孤單你做伴
bāng-tiong koo-tuann lí tsuè-phuānn
這跤手指註定咱的命
tsit kha tshiú-tsí tsù-tiânn lán ê miā
姻緣簿無阮的名
in-iân-phōo bô gún ê miâ
往事盤山又過嶺
óng-sū puânn-suann iū kuè-niá
時間流水一直行
sî-kan lâu-tsuí it-ti̍t kiânn
啊~錯愛傷心敢會煞
ah~ thsò-ài siong-sim kám-ē suah
窗外雨水聲
thang-guā hōo-tsuí siann
心內攏你的名
sim-lāi lóng lí ê miâ
目屎流袂煞
ba̍k-sái lâu buē suah
較吼嘛無人聽
khah háu mā bô-lâng thiann
明知情像落花
bîng-tsai tsîng tshiūnn lo̍h-hue
落塗的愛袂閣回
lo̍h-thôo ê ài buē koh huê
只是心若醉過
tsí-sī sim nā tsuì–kuè
思念的酒哪會退
su-liām ê tsiú ná-ē thè
