討海人的心聲
《討海人的心聲》Thó-hái-lâng ê Sim-siann
蔡亞玲Tshuà A-lîng
——————————————
大海茫茫
tuā-hái bâng-bâng
一片雺霧
it-phiàn bông-bū
有時也會起風湧
ū-sî iā ē khí hong-íng
討海的人毋驚風霜
thó-hái ê lâng m̄-kiann hong-song
順著海風
sūn tio̍h hái-hong
向前一直行
hiòng-tsiân it-ti̍t kiânn
毋驚風雨抑是日曝
m̄-kiann hong-hōo ia̍h-sī ji̍t pha̍k
總是為著生活來拍拚
tsóng-sī uī-tio̍h sing-ua̍h lâi phah-piànn
心甘情願
sim kam tsîng guān
為著囝兒
uī-tio̍h kiánn-jî
較苦嘛著行
khah khóo mā tio̍h kiânn
啊~向望天公
ah~ ǹg-bāng thinn-kong
請你著來鬥幫忙
tshiánn lí tio̍h lâi tàu-pang-bâng
滿載魚貨
buán-tsài hî-huè
趕緊來回航
kuánn-kín lâi huê-hâng
