愛無賰
《愛無賰》Ài Bô-tshun
蔡小虎Tshuà Sió-hóo
——————————————
明知影情難斷
bîng-tsai-iánn tsîng lân tn̄g
偏偏你猶原離開阮
phian-phian lí iu-guân lī-khui gún
傷心的目屎
siong-sim ê ba̍k-sái
夜夜流甲無分無寸
iā-iā lâu kah bô-hun-bô-tshùn
敢講愛已經
kám-kóng ài í-king
離開阮有千里遠
lī-khui gún ū tshian-lí hn̄g
用心計較挽回
iōng-sim-kè-kàu bán-huê
換來是一聲歹勢
uānn–lâi sī tsi̍t-siann pháinn-sè
命中註定愛無賰
miā-tiong tsù-tiānn ài bô tshun
行到這陣滿身傷痕
kiânn kàu tsit-tsūn muá-sin siong-hûn
思念鼻頭酸
su-liām phīnn-thâu sng
已經有身無魂
í-king ū sin bô hûn
阮的心內全是憂悶
gún ê sim-lāi tsuân sī iu-būn
一生註定愛無賰
it-sing tsù-tiānn ài bô tshun
夜夜借酒消除怨恨
iā-iā tsioh tsiú siau-tû uàn-hūn
孤帆一隻船
koo-phâng tsi̍t-tsiah tsûn
揣無所在停睏
tshuē-bô sóo-tsāi thîng-khùn
宛然人生已經是
uán-jiân jîn-sing í-king sī
無人來過問
bô-lâng lâi kuè-mn̄g
