快樂歌手
《快樂歌手》Khuài-lo̍k Kua-tshiú
蔡佳麟Tshuà Ka-lîn
——————————————
歡喜來聽
huann-hí lâi thiann
阮的演唱會
gún ê ián-tshiùnn-huē
上熱情上貼心
siōng jia̍t-tsîng siōng tah-sim
是歌迷
sī kua-bê
大篷樂隊
tuā-phâng ga̍k-tuī
勝過卡拉OK
sìng-kuè kha-la OK
伴奏著
phuānn-tsàu tio̍h
阮的歌藝
gún ê kua-gē
情歌好聽
tsîng-kua hó-thiann
一首過一首
tsi̍t-siú kuè tsi̍t-siú
優美的歌曲
iu-bí ê kua-khik
感動的詞
kám-tōng ê sû
親像描寫
tshin-tshiūnn biâu-siá
咱的心情故事
lán ê sim-tsîng kòo-sū
予人了解
hōo-lâng liáu-kái
流行歌的歷史
liû-hîng-kua ê li̍k-sú
我是一个快樂歌手
guá sī tsi̍t-ê khuài-lo̍k kua-tshiú
燦爛舞臺
tshàn-lān bú-tâi
用感情演唱
iōng kám-tsîng ián-tshiùnn
為恁唱甲流目油
uī lín tshiùnn kah lâu ba̍k-iû
請恁替阮加油
tshiánn lín thè gún ka-iû
我是一个
guá sī tsi̍t-ê
快樂歌手
khuài-lo̍k kua-tshiú
人生舞臺
jîn-sing bú-tâi
用真情演唱
iōng tsin-tsîng ián-tshiùnn
為恁唱歌
uī lín tshiùnn-kua
全年無休
tsuân-nî bô-hiu
感謝恁繼續捀場
kám-siā lín kè-sio̍k phâng-tiûnn
