孤鸞
《孤鸞》Koo-luân
蔡小虎Tshuà Sió-hóo
——————————————
淒涼秋雨
tshe-liâng tshiu-hōo
沃規暝
ak kui-mî
可憐瓊花
khó-liân khîng-hue
驚雞啼
kiann ke thî
短短兩句籤詩
té-té nn̄g-kù tshiam-si
鴛鴦夢醒
uan-iunn bāng tshínn
姻緣線
in-iân suànn
漸漸斷去
tsiām-tsiām tn̄g–khì
畫眉點胭脂
uē bâi tiám ian-tsi
頭毛放予開
thâu-mn̂g pàng hōo khui
隨風飄然上天
suî hong phiau-jiân peh tsiūnn-thinn
啊~若飛愈懸
ah~ nā pue jú kuân
心愈煩
sim jú huân
命運浮佇
miā-ūn phû tī
雲頂的孤鸞
hûn-tíng ê koo-luân
啥人攏向望
siánn-lâng lóng ǹg-bāng
幸福會永遠
hīng-hok ē íng-uán
面對現實
bīn-tuì hiān-si̍t
只有悲觀
tsí-ū pi-kuan
若飛愈懸
nā pue jú kuân
心愈亂
sim jú luān
感情親像
kám-tsîng tshin-tshiūnn
寒冬的孤鸞
hân-tang ê koo-luân
等待春風
tán-thāi tshun-hong
送微微的溫暖
sàng bî-bî ê un-luán
予阮的人生
hōo gún ê jîn-sing
無仝款
bô kāng-khuán
