上疼的記持
《上疼的記持》Siōng Thiànn ê Kì-tî
蔡佳麟Tshuà Ka-lîn
——————————————
你的笑容佇我腦海
lí ê tshiò-iông tī guá náu-hái
親像干樂一直踅
tshin-tshiūnn kan-lo̍k it-ti̍t se̍h
你哭的模樣像惡夢
lí khàu ê bôo-iūnn tshiūnn ok-bāng
伴阮夜夜纏
phuānn gún āi-iā tînn
分開已經遮濟年
hun-khui í-king tsiah tsuē nî
不時攏會想起你
put-sî lóng ē siūnn-khí lí
彼條上熟似的街路
hit tiâu siōng si̍k-sāi ê ke-lōo
咱蹛過的所在
lán tuà–kuè ê sóo-tsāi
每一改經過
muí tsi̍t-kái king-kuè
我的心感慨
guá ê sim kám-khài
毋知你這馬過了好無
m̄-tsai lí tsit-má kuè-liáu hó–bô
當初無法度予你的幸福
tong-tshoo bô-huat-tōo hōo lí ê hīng-hok
你這馬得著無
lí tsit-má tit–tio̍h-bô
原諒我彼時
guân-liōng guá hit-sî
無情的離開
bô-tsîng ê lī-khui
辜負你對我
koo-hū lí tuì guá
痴心的等待
tshi-sim ê tán-thāi
其實你一直在我心內
kî-si̍t lí it-ti̍t tsāi guá sim-lāi
上深的所在
siōng tshim ê sóo-tsāi
原諒我彼時
guân-liōng guá hit-sî
無情的離開
bô-tsîng ê lī-khui
成全不了你心內的願望
sîng-tsuân put-liáu lí sim-lāi ê guān-bāng
才會造成今日
tsiah ē tsō-sîng kim-ji̍t
你變成我
lí piàn-sîng guá
上疼的記持
siōng thiànn ê kì-tî
