三更雨
《三更雨》Sann-kinn Hōo
蔡小虎Tshuà Sió-hóo
——————————————
一个人無伴真艱苦
tsi̍t-ê lâng bô-phuānn tsin kan-khóo
兩个人甜蜜行仝步
nn̄g-ê lâng tinn-bi̍t kiânn kāng pōo
千里緣選擇若錯誤
tsian-lí iân suán-ti̍k nā tshò-gōo
愛人仔換人照顧
ài-jîn-á uānn lâng tsiàu-kòo
無情天
bô-tsîng thinn
夜半三更起風雨
iā-puànn sann-kinn khí hong-hōo
毋知你抑是伊
m̄-tsai lí ia̍h-sī i
三人攏痛苦
sann-lâng lóng thòng-khóo
愛著你
ài tio̍h lí
心疼無結局
sim thiànn bô kiat-kio̍k
夢中人為你空思慕
bāng-tiong lâng uī lí khang su-bōo
我只有一句的祝福
guá tsí-ū tsi̍t-kù ê tsiok-hok
無勇氣行回頭路
bô ióng-khì kiânn huê-thâu lōo
