鴛鴦一場
《鴛鴦一場》Uan-iunn Tsi̍t-tiûnn
蔡小虎Tshuà Sió-hóo
——————————————
我無計較你的過去
guá bô kè-kàu lí ê kuè-khì
想欲好好對待你
siūnn-beh hó-hó tuì-thāi lí
希望佮你過著幸福日子
hi-bāng kah lí kuè tio̍h hīng-hok ji̍t-tsí
我是注重這馬的你
guá sī tsù-tiōng tsit-má ê lí
如今誓言在哪裡
jû-kim sè-giân tsāi ná-lí
猶原你是較早的你
iu-guân lí sī khah-tsá ê lí
我的反悔
guá ê huán-hué
陪伴長長相思
puê-phuānn tn̂g-tn̂g siunn-si
寫出傷心的開始
siá tshut siong-sim ê khai-sí
為何今夜的心
uī-hô kim-iā ê sim
是冷吱吱
sī líng-ki-ki
伴著梢聲的言語
phuānn tio̍h sau-siann ê giân-gí
為何眼中目屎
uī-hô gán-tiong ba̍k-sái
是遮爾無志氣
sī tsiah-nī bô tsì-khì
我猶原閣再想你
guá iu-guân koh-tsài siūnn lí
問東問西問自己
mn̄g tang mn̄g sai mn̄g tsū-kí
問情問愛我問你
mn̄g tsîng mn̄g ài guá mn̄g lí
鴛鴦一場當做戲
uan-iunn tsi̍t-tiûnn tòng-tsuè hì
叫我怎樣看會開
kiò guá tsuánn-iūnn khuànn ē khui
