痴情男兒
《痴情男兒》Tshi-tsîng Lâm-jî
蔡小虎Tshuà Sió-hóo
——————————————
做一个堂堂男兒
tsuè tsi̍t-ê tông-tông lâm-jî
應該著有志氣
ing-kai tio̍h ū tsì-khì
人生旅途有喜有悲
jîn-sing lú-tôo ū hí ū pi
毋通來失志
m̄-thang lâi sit-tsì
千山萬水
tshian-san bān-suí
提出勇氣
the̍h tshut ióng-khì
千里萬里
tshian-lí bān-lí
著行落去
tio̍h kiânn–lo̍h-khì
若用心
nā iōng-sim
雲開見天
hun-khui khìnn thinn
若用力
nā iōng la̍t
較重也堅持
khah tāng iā kian-tshî
堂堂男兒用情義
tông-tông lâm-jî iōng tsîng-gī
做一个痴情男兒
tsuè tsi̍t-ê tshi-tsîng lâm-jî
應該著有情義
ing-kai tio̍h ū tsîng-gī
金色愛情
kim-sik ài-tsîng
也會不如意
iā ē put-jû-ì
才著看予開
tsiah tio̍h khuànn hōo khui
千山萬水
tshian-san bān-suí
互相扶持
hōo-siong hû-tshî
千里萬里
tshian-lí bān-lí
永遠相隨
íng-uán siong-suî
咱有情
lán ū-tsîng
免驚分開
bián-kiann hun-khui
咱有愛
lán ū ài
免驚三五年
bián-kiann sann-gōo nî
痴情男兒有情義
tshi-tsîng lâm-jî ū tsîng-gī
