勇敢的男兒
《勇敢的男兒》Ióng-kám ê Lâm-jî
蔡小虎Tshuà Sió-hóo
——————————————
手捾著行李
tshiú kuānn tio̍h hîng-lí
就欲離開家鄉
tiō beh lī-khui kan-hiong
掩崁著強忍的目屎
am-khàm tio̍h kiông-jím ê ba̍k-sái
展笑容
tián tshiò-iông
故鄉年老的爸爸媽媽
kòo-hiong nî-lāu ê pa–pah ma–mah
請恁千萬著愛保重
tshiánn lín tshian-bān tio̍h-ài pó-tiōng
手提著媽媽的私奇
tshiú the̍h tio̍h ma–mah ê sai-khia
出外來拍拚
tshut-guā lâi phah-piànn
茫茫的前途
bông-bông ê tsiân-tîng
也袂當來驚惶
iā buē-tàng lâi kiann-hiânn
只要大膽攑頭向前行
tsí-iàu tuā-tánn gia̍h-thâu hiòng-tsiân kiânn
所有困難予我來擔
sóo-ū khùn-lân hōo guá lâi tann
啊~頑張って頑張って
ah~ ka̋m-bat-teh ka̋m-bat-teh
向前看
hiòng-tsiân khuànn
我欲創造家己的運命
guá beh tshòng-tsō ka-kī ê ūn-miâ
啊~頑張って頑張って
ah~ ka̋m-bat-teh ka̋m-bat-teh
我毋驚
guá m̄-kiann
毋驚頭前風雨有偌大
m̄-kuann thâu-tsîng hong-hōo ū guā tuā
啊~我是一个勇敢的男兒
ah~ guá sī tsi̍t-ê ióng -kám ê lâm-jî
