食苦當做食補
《食苦當做食補》Tsia̍h-khóo Tòng-tsò Tsia̍h-póo
蔡小虎Tshuà Sió-hóo
——————————————
無論景氣
bô-lūn kíng-khì
變甲有偌爾差
piàn kah ū guā-nī tsha
有你的關懷予我
ū lí ê kuan-huâi hōo guá
無論世界
bô-lūn sè-kài
變化有偌爾大
piàn-huà ū guā-nī tuā
對你我永遠牽掛
tuì lí guá íng-uán khian-kuà
心連心
sim liân sim
你的恩情比天大
lí ê un-tsîng pí thinn tuā
手牽手
tshiú khan tshiú
永遠陪你徛相倚
íng-uán puê lí khiā sio-uá
我支持你
guá tsi-tshî lí
做你的靠山
tsuè lí ê khò-suann
過著幸福的生活
kuè tio̍h hīng-hok ê sing-ua̍h
將食苦當做食補
tsiong tsia̍h-khóo tòng-tsuè tsia̍h-póo
咱永遠互相照顧
lán íng-uán hōo-siong tsiàu-kòo
有熱情用心拍拚做
ū jia̍t-tsîng iōng-sim phah-piànn tsuè
我佮你行仝步
guá kah lí kiânn kāng-pōo
將食苦當做食補
tsiong tsia̍h-khóo tòng-tsuè tsia̍h-póo
咱永遠互相照顧
lán íng-uán hōo-siong tsiàu-kòo
有信心面對成功的路
ū sìn-sim bīn-tuì sîng-kong ê lōo
上認真的人上幸福
siōng jīn-tsin ê lâng siōng hīng-hok
