蝴蝶飛啊飛
《蝴蝶飛啊飛》Ôo-tia̍p Pue–ah Pue
蔡小虎Tshuà Sió-hóo
——————————————
陣陣柔風輕輕吹
tsūn-tsūn jiû-hong khin-khin tshue
你我快樂蝴蝶飛
lí guá khuài-lo̍k ôo-tia̍p pue
毋免甘甜的情話
m̄-bián kam-tinn ê tsîng-uē
註定愛戀千萬回
tsù-tiānn ài-luân tshian-bān huê
欸欸欸
eh eh eh
柔情可愛水流溪
jiû-tsîng khó-ài tsuí lâu khe
著愛細膩帶刺的野花
tio̍h-ài sè-jī tài-tshì ê iá-hue
請你綴我慢慢飛
tshiánn lí tuè guá bān-bān pue
飛去美麗的天地
pue khì bí-lē ê thinn-tē
飛啊飛
pue–ah pue
毋管日抑暝
m̄-kuán ji̍t ia̍h mî
啊~飛
ah~ pue
難分也難離
lân hun iā lân lî
叫著心愛你名字
kiò tio̍h sim-ài lí miâ-jī
永遠陪伴你身邊
íng-uán puê-phuānn lí sin-pinn
今生的深情
kim-sing ê tshim-tsîng
來世也綿綿
lâi-sè iā mî-mî
