我不准我愛你
《我不准我愛你》Guá Put-tsún Guá Ài Lí
蔡小虎Tshuà Sió-hóo
——————————————
明知可能只有一分的機會
bîng-tsai khó-lîng tsí-ū tsi̍t-hun ê ki-huē
甘願賭著九十九分的執迷
kam-guān tóo tio̍h káu-tsa̍p-káu hun ê tsip-bê
為怎樣無顧一切
uī-tsuánn-iūnn bô-kòo it-tshè
為怎樣毋知反悔
uī-tsuánn-iūnn m̄-tsai huán-hué
明知可能只有一分的甜頭
bîng-tsai khó-lîng tsí-ū tsi̍t-hun ê tînn-thâu
甘願賭著九十九分的苦尾
kam-guān tóo tio̍h káu-tsa̍p-káu hun ê khóo-bué
為怎樣無講詳細
uī-tsuánn-iūnn bô kóng siông-sè
為怎樣遮爾狼狽
uī-tsuánn-iūnn tsiah-nī liông-puē
我不准我愛你
guá put-tsún guá ài lí
但是心無聽半字
tān-sī sim bô thiann puànn-jī
我不准我揣你
guá put-tsún guá tshuē lí
但是跤無聽指揮
tān-sī kha bô thiann tsí-hui
我不准我愛你
guá put-tsún guá ài lí
但是恨寫無半字
tān-sī hūn siá bô puànn-jī
我不准我想你
guá put-tsún guá siūnn lí
但是情毋免指揮
tān-sī tsîng m̄-bián tsí-hui
自然綴你去
tsū-jiân tuè lí khì
