夢中的探戈
《夢中的探戈》Bāng-tiong ê Thàng-gòo
蔡小虎Tshuà Sió-hóo
——————————————
用青春當做歌聲
iōng tshing-tshun tòng-tsuè kua-siann
痴情做舞伴
tshi-tsîng tsuè bú-phuānn
陪你跳這首苦戀的歌
puê lí thiàu tsit siú khòo-luân ê kua
目箍紅紅
ba̍k-khoo âng-âng
跤步沉重
kha-pōo tîm-tâng
隨命運綴你來入夢
suî miā-ūn tuè lí lâi ji̍p bāng
啊~夢中的探戈
ah~ bāng-tiong ê thàng-gòo
擾亂的舞步
jiáu-luān ê bú-pōo
冷淡無溫度
líng-tām bô un-tōo
明明阮心內有數
bîng-bîng gún sim-lāi iú-sòo
偏偏假糊塗
phian-phian ké hôo-tôo
啊~夢中的探戈
ah~ bāng-tiong ê thàng-gòo
跤步也踏錯
kha-pōo iā ta̍h tshò
感情相出路
kám-tsîng sio-tshut-lōo
無論是鹹甜酸苦
bô-lūn sī kiâm-tinn-sng-khòo
愛你如當初
ài lí jû tong-tshoo
等待春天
tán-thāi tshun-thinn
花來開
hue lâi khui
冬天趕緊過
tang-thinn kuánn-kín kuè
