冷冷清清的都市
《冷冷清清的都市》Líng-líng-tshing-tshing ê Too-tshī
蔡小虎Tshuà Sió-hóo
——————————————
黃昏的街路邊
hông-hun ê ke-lōo pinn
寒冷的冬天
hân-líng ê tang-thinn
夜鳥閃閃飛落
iā-tsiáu siám-siám pue–lo̍h
為何阮孤一个
uī-hô gún koo tsi̍t-ê
閃爍的霓虹燈
siám-sih ê nî-hông-ting
照我痴情的心
tsiò guá tshi-tsîng ê sim
目屎澹著目墘
ba̍k-sái tâm tio̍h ba̍k-kînn
我的情海無岸
guá ê tsîng-hái bô huānn
啊~冷冷清清的都市
ah~ líng-líng-tshing-tshing ê too-tshī
徘徊異鄉的男兒
pâi-huê ī-hiong ê lâm-jî
何時才會出頭天
hô-sî tsiah ē tshut-thâu-thinn
成功轉去咱的鄉里
sîng-kong tńg-khì lán ê hiunn-lí
啊~冷冷冰冰的冬天
ah~ líng-líng-ping-ping ê tang-thinn
意志堅定的男兒
ì-tsì kian-tīng ê lâm-jî
情海若莫講分枝
tsîng-hái nā mài kóng hun-ki
早日轉去鄉里
tsá-ji̍t tńg-khì hiunn-lí
佮你結連理枝
kah lí kiat liân-lí-ki
