緊大漢
《緊大漢》Kín Tuā-hàn
澎恰恰 Pōng Tshia̍h Tshia̍h
——————————————
彼日看你猶閣足細漢
hit-ji̍t khuànn lí iáu-koh tsiok sè-hàn
一直向望你會緊大漢
it-ti̍t ǹg-bāng lí ē kín tuā-hàn
時間毋知是緊抑是慢
sî-kan m̄-tsai sī kín ia̍h-sī bān
人生敢會足困難
jîn-sing kám ē tsiok khùn-lân
咱已經做陣幾若冬
lán í-king tsuè-tīn kuí-lō tang
看著你對囡仔變大人
khuànn-tio̍h lí uì gín-á piàn tuā-lâng
阮的心內有一个希望
gún ê sim-lāi ū tsi̍t-ê hi-bāng
望你健康平安快樂
bāng lí kiān-khong pîng-an khuài-lo̍k
花蕊百日紅
hue-luí pah-ji̍t-âng
毋敢講
m̄-kánn kóng
阮是一个好模樣
gún sī tsi̍t-ê hó bôo-iūnn
相信你家己
siong-sìn lí ka-tī
一定會曉想
it-tīng ē-hiáu siūnn
有一工
ū tsi̍t-kang
等你盤過人生的圍牆
tán lí puânn-kuè jîn-sing ê uî-tshiûnn
你嘛一定會唱
lí mā it-tīng ē tshiùnn
嬰仔嬰嬰睏
inn–á inn-inn khùn
一暝大一吋
tsi̍t-mî tuā tsi̍t-tshùn
嬰仔嬰嬰惜
inn–á inn-inn sioh
一暝大一尺
tsi̍t-mî tuā tsi̍t-tshioh
(口白)—–↓
共你抱踮手底
kā lí phō tiàm tshiú-té
看你睏甲足好勢
khuànn lí khùn kah tsiok hó-sè
毋管你是聽有
m̄-kuán lí sī thiann-ū
抑是聽無
ia̍h-sī thiann-bô
爸爸有一句話欲共你講
pa–pah ū tsi̍t-kù uē beh kā lí kóng
後擺你毋免有偌大的成就
āu-pái lí m̄-bián ū guā tuā ê sîng-tsiū
我干焦希望你會當
guá kan-na hi-bāng lí ē-tàng
健康平安緊大漢
kiān-khong pîng-an kín tuā-hàn
