六十年前的一張批
《六十年前的一張批》La̍k-tsa̍p nî tsîng ê Tsi̍t-tiunn Phue
澎恰恰Pōng Tshia̍h Tshia̍h
——————————————
六十年前的一張批
la̍k-tsa̍p nî tsîng ê tsi̍t-tiunn phue
是怹翁予伊最後的話
sī in ang hōo i tsuè-āu ê uē
伊講欲出外做工課
i kóng beh tshut-guā tsuè khang-khuè
日子真緊就會過
ji̍t-tsí tsin kín tiō ē kuè
無愛佮人講話
bô-ài kah lâng kóng-uē
攑著拐仔
gia̍h tio̍h kuái-á
一步一步慢慢仔行
tsi̍t-pōo-tsi̍t-pōo bān-bān-á kiânn
仝款的海邊
kāng-khuán ê hái-pinn
仝款叫伊的名
kāng-khuán kiò i ê miâ
阿婆毋捌看破
a-pô m̄-bat khuànn-phuà
黃昏鳥隻飛過
hông-hun tsiáu-tsiah pue–kuè
牽著孫仔
khan-tio̍h sun-á
一字一字慢慢仔看
tsi̍t-jī-tsi̍t-jī bān-bān-á khuànn
仝款的故事
kāng-khuán ê kòo-sū
仝款講彼句話
kāng-khuán kóng hit kù uē
過年就欲轉來
kuè-nî tō beh tńg–lâi
六十年前的一張批
la̍k-tsa̍p nî tsîng ê tsi̍t-tiunn phue
毋知伊夢中敢有來陪
m̄-tsai i bāng-tiong kám ū lâi puê
批紙的色水已經退
phue-tsuá ê sik-tsuí í-king thè
思念何時才會過
su-liām hô-sî tsiah ē kuè
六十年前的一張批
la̍k-tsa̍p nî tsîng ê tsi̍t-tiunn phue
曷無寫地址怎樣來回
ia̍h bô siá tē-tsí tsuánn-iūnn lâi huê
南洋的所在若有經過
Lâm-iûnn ê sóo-tsāi nā ū king-kuè
好心的人替伊揣
hó-sim ê lâng thè i tshuē
六十年前的一張批
la̍k-tsa̍p nî tsîng ê tsi̍t-tiunn phue
毋知伊讀過幾千萬回
m̄-tsai i tha̍k kuè kuí tshian-bān huê
山頂的草木已經白
suann-tíng ê tshó-bo̍k í-king pe̍h
冬天的風吹袂退
tang-thinn ê hong tshue buē-thè
