你對秋天倒轉來
《你對秋天倒轉來》Lí Tuì Tshiu-thinn Tò-tńg–lâi
潘麗麗Phuann Lē-lē
——————————————
你對秋天倒轉來
lí tuì tshiu-thinn tò-tńg–lâi
頭毛帶著
thâu-mn̂g tuà-tio̍h
收成的芳味
siu-sîng ê phang-bī
心中充滿
sim-tiong tshiong-buán
金黃的色彩
kim-n̂g ê sik-tshái
毋過是按怎
m̄-koh sī-án-tsuánn
形影孤單
hîng-iánn koo-tuann
秋風秋風
tshiu-hong tshiu-hong
叫出你的感慨
kiò-tshut lí ê kám-khài
秋天過了是冬天
tshiu-thinn kuè-liáu sī tang-thinn
你是無人會當取代
lí sī bô-lâng ē-tàng tshú-tāi
予我牽著你的手
hōo guá khan tio̍h lí ê tshiú
迒過冬天
hānn kuè tang-thinn
迒過冬天
hānn kuè tang-thinn
行入春天的世界
kiânn-ji̍p tshun-thinn ê sè-kài
是毋是拄開花的愛
sī-m̄-sī tú khui-hue ê ài
猶未揣著結果的所在
iáu-buē tshuē-tio̍h kiat-kó ê sóo-tsāi
你的心情我攏知
lí ê sim-tsîng guá lóng tsai
我佇遮
guá tī tsia
永遠咧等待
íng-uán teh tán-thāi
拍開心門
phah-khui sim-mn̂g
隨時歡迎你來
suî-sî huan-gîng lí lâi
秋天過了是冬天
tshiu-thinn kuè-liáu sī tang-thinn
你是無人會當取代
lí sī bô-lâng ē-tàng tshú-tāi
予我牽著你的手
hōo guá khan tio̍h lí ê tshiú
迒過冬天
hānn kuè tang-thinn
迒過冬天
hānn kuè tang-thinn
行入春天的世界
kiânn-ji̍p tshun-thinn ê sè-kài
