為愛拖磨一世人
《為愛拖磨一世人》潘越雲
《Uī Ài Thua-buâ Tsi̍t-sì Lâng》Phuann Ua̍t-hûn
作詞、作曲：李子恆
tsok-sû、tsok-khik：Lí Tsú-Hîng
編曲：屠穎
Pian-khik：Tôo Íng
—————-
踏入茫茫的世間，
ta̍h-ji̍p bông-bông ê sè-kan,
親像浮雲隨風西東，
tshin-tshiūnn phû-hûn suî hong se-tang,
毋知明仔載這場苦夢，
m̄-tsai bîn-á-tsài tsit tiûnn khóo bāng,
會遇著啥物人，
ē gū-tio̍h siánn-mih lâng,
縱是有真情真愛，
tshiòng sī ū tsin-tsîng tsin-ài,
也難免紅塵悲歡，
iā lân-bián âng-tîn pi-huan,
啊~~~啥人親像我這款。
ah~~~siánn-lâng tshin-tshiūnn guá tsit khuán.
.
期待幸福的一工，
kî-thāi hīng-hok ê tsi̍t kang,
需要偌濟悲哀來摻，
su-iàu guā-tsē pi-ai lâi tsham,
毋知明仔載這張孤帆，
m̄-tsai bîn-á-tsài tsi̍t tiunn koo phâng,
會倚著啥物港，
ē uá-tio̍h siánn-mih káng,
縱是有加減疼痛，
tshiòng sī ū ke-kiám thiànn-thàng,
也難免深更花芳，
iā lân-bián tshim-kenn hue-phang,
啊~~~為愛拖磨一世人。
ah~~~uī ài thua-buâ tsi̍t-sì-lâng.
.
若是有緣無份的人，
nā-sī ū-iân bô hūn ê lâng,
只有拆散這場苦夢，
tsí-ū thiah-suànn tsit tiûnn khóo bāng,
人生本來就是曲曲彎彎，
lîn-sîng pún-lâi tiō-sī khik-khik uan-uan,
欲行就認份來擔。
beh kiânn tiō jīn-hūn lâi tann,
.
若是有情無心的人，
nā-sī ū-tsîng bô-sim ê lâng,
只有看破世情冷淡，
tsí-ū khuànn-phuà sè-tsîng líng-tām,
人生本來會當輕輕鬆鬆，
lîn-sing pún-lâi ē-tàng khin-khin-sang-sang,
你咱為愛拖磨一世人。
lí lán uī ài thua-buâ tsi̍t-sì-lâng.
