再會夜都市
《再會夜都市》Tsài-huē Iā-too-tshī
潘越雲Phuann Ua̍t-hûn
——————————————
再會夜都市
tsài-huē iā-too-tshī
遮爾暗你猶未睏
tsiah-nī àm lí iáu-buē khùn
是毋是揣無伴
sī-m̄-sī tshuē-bô phuānn
抑是無閒甲袂收煞
ia̍h-sī bô-îng kah buē siu-suah
有人愛才贏
ū-lâng ài tsiah iânn
嘛有人較愛惜命
mā ū-lâng khah ài-sioh miā
一枝草一點露
tsi̍t-ki tsháu tsi̍t-tiám lōo
免驚無穿插
bián-kiann bô tshīng-tshah
再會夜都市
tsài-huē iā-too-tshī
月娘已經咧哈唏
gue̍h-niû í-king teh hah-hìnn
相招來食宵夜
sio-tsio lâi tsia̍h siau-iā
泔糜仔著愛有番薯簽
àm-muê-á tio̍h-ài ū han-tsî-tshiam
有人愛食較鹹
ū-lâng ài tsia̍h khah kiâm
嘛有人較愛食汫
mā ū-lâng khah ài tsia̍h tsiánn
一枝草一點露
tsi̍t-ki tsháu tsi̍t-tiám lōo
毋免來著驚
m̄-bián lâi tio̍h-kiann
歡喜做伴
huann-hí tsuè-phuānn
月夜來做伴
gue̍h-iā lâi tsuè-phuānn
