黃昏相思曲
《黃昏相思曲》Hông-hun Siunn-si Khik
玲華Lîng-huâ (劉燕燕Lâu Iàn-iàn)
——————————————
黃昏的碼頭岸邊
hông-hun ê bé-thâu huānn-pinn
日頭落海紅記記
ji̍t-thâu lo̍h hái âng-kì-kì
岸頂的燈火閃爍
huānn-tíng ê ting-hé siám-sih
五彩紅藍青
ngóo-tshái âng-nâ-tshinn
想起彼時你我
siūnn-khí hit-sî lí guá
有緣初相見
ū-iân tshoo siong-kìnn
來散步黃昏港邊
lâi sàn-pōo hông-hun káng-pinn
煞來結情義
suah lâi kiat tsîng-gī
為怎樣已一年
uī-tsánn-iūnn í tsi̍t-nî
無批來通知
bô phue lâi thong-ti
欲離開
beh lī-khui
難離難分
lân-lî lân-hun
猶原也是日黃昏
iu-guân iā-sī ji̍t hông-hun
你叫阮將愛保存
lí kiò gún tsiong ài pó-tsûn
等你的歸船
tán lí ê kui-tsûn
想起彼時花開
siūnn-khí hit-sî hue khui
陽春當紅粉
iông-tshun tng âng-hún
阮你盡情難分
gún lí tsīn-tsîng lân-lun
也無來怨恨
iā bô lâi uàn-hūn
日黃昏就引阮
ji̍t hông-hun tsiū ín gún
心頭帶憂悶
sim-thâu tài iu-būn
