輕輕唚一下
《輕輕唚一下》Khin-khin Tsim–tsi̍t-ē
劉燕燕Lâu Iàn-iàn
——————————————
溫暖的暗風吹來
un-luán ê àm-hong tshue–lâi
熱情的暗暝
jia̍t-tsîng ê àm-mî
心愛的人來對阮
sim-ài ê lâng lâi tuì gún
無講半句話
bô kóng puànn-kù uē
對阮額頭
tuì gún hia̍h-thâu
輕輕仔唚一下
khin-khin-á tsim–tsi̍t-ē
啊~月娘也看甲見笑
ah~ ge̍h-niû iā khuànn kah kiàn-siàu
滿面紅記記
muá-bīn âng-kì-kì
肅靜的淡水河邊
siok-tsīng ê Tām-tsuí-hô pinn
迷人好景緻
bê-lâng hó kíng-tì
心愛的人
sim-ài ê lâng
來送阮一蕊薔薇花
lâi sàng gún tsi̍t-luí tshiûnn-bî-hue
對阮喙䫌
tuì gún tshuì-phué
輕輕仔唚一下
khin-khin-á tsim–tsi̍t-ē
啊~花蕊也感覺興奮
ah~ hue-luí iā kám-kak hìng-hùn
露出好芳味
lōo-tshut hó phang-bī
深更的蟲聲
tshim-kinn ê thâng-siann
唱著熱情的歌詩
tshiùnn tio̍h jia̍t-tsîng ê kua-si
心愛的人
sim-ài ê lâng
來對阮微微笑一下
lâi tuì gún bî-bî tshiò–tsi̍t-ē
對阮喙脣
tuì gún tshuì-tûn
輕輕仔唚一下
khin-khin-á tsim–tsi̍t-ē
啊~阮心肝跳跳弄弄
ah~ gún sim-kuann thiàu-thiàu-lāng-lāng
強欲跳出來
kiōng-beh thiàu–tshut-lâi
