股市大趁錢
《股市大趁錢》Kóo-tshī Tuā Thàn-tsînn
劉福助Lâu Hok-tsōo
——————————————
每天透早
měitiān thàu-tsá
股市同胞
gǔshì tóngbāo
大家一條心
dàjiā yìtiáo xīn
匆匆忙忙真拍拚
cōngcōngmángmáng tsin phah-piànn
都是為了金
dōushì wèile jīn
狂飆漲停開香檳
kuángbiāo zhǎngtíng kāi xiāngpīn
重挫人抽筋
zhòngcuò rén chōujīn
跌停下滑硞硞輾
diétíng xiàhuá kho̍k-kho̍k-lìn
散戶予人食點心
sǎnhù hōo-lâng tsia̍h tiám-sim
看人股市大趁錢
khuànn-lâng kóo-tshī tuā thàn-tsînn
這途我嘛有趣味
tsit tôo guá mā ū tshù-bī
厝內現金攏總窮
tshù-lāi hiān-kim lóng-tsóng khîng
舞無偌久
bú bô-guā-kú
減一粒零
kiám tsi̍t-lia̍p lîng
想欲包贏毋包輸
siūnn-beh pau-iânn m̄ pau-su
買那個資優股
mǎi náge zīyōugǔ
一擺就欲予大富
tsi̍t-pái tō beh hōo tuā-pù
田厝做一注
tshân-tshù tsò tsi̍t-tù
昨日規片紅記記
tsa-ji̍t kui-phiàn âng-kì-kì
我就雄雄跳落去
guá tiō hiông-hiông thiàu–lo̍h-khì
實在予我真無疑
si̍t-tsāi hōo guá tsin bô-gî
大家攏紅
tāi-ke lóng âng
我的青
guá ê tshinn
贏是贏田嬰
iânn sī iânn tshân-inn
輸會輸飛機
su ē su pue-ki
飆高你著搶先機
biāogāo lí tio̍h qiǎng xiānjī
股災下滑打點滴
gûzāi xiàhuá dǎdiǎndī
國際油資挨挨去
kok-tsè iû-tsu e-ē–khì
祝恁大家會趁錢
tsiok lín tāi-ke ē thàn-tsînn
↓—–(RAP)—–↓
號子出入玲瑯遨
hàozi tshut-ji̍p lin-long gô
輸贏遐大真煩惱
su-iânn hiah tuā tsin huân-ló
掠龜走鱉真歹做
lia̍h-ku-tsáu-pih tsin pháinn-tsò
換來換去花膏膏
uānn-lâi-uānn-khì hue kô-kô
億來億去億不休
ik-lâi-ik-khì ik put-hiu
踅來踅去皮那遛
se̍h-lâi-se̍h-khì phuê ná liù
若欲會準閣會贏
nā beh ē tsún koh ē iânn
溜溜瞅瞅食目睭
liu-liu-tshiu-tshiu tsia̍h ba̍k-tsiu
欲知股市這條路
beh-tsai kóo-tshī tsit tiâu lōo
天落紅雨
thinn lo̍h âng-hōo
鯽仔反肚
tsit-á píng-tōo
雞仔相咬
ke-á sio-kā
鴨母相踏
ah-bó sio-ta̍h
股市嘛會大崩盤
kóo-tshī mā ē tuā pang-puânn
股海無邊沐沐泅
kóo-hái bû-pian bo̍k-bo̍k-siû
投在股中無人救
tâu tsāi kóo tiong bô-lâng kiù
起落輸贏靠跤手
khí-lo̍h su-iânn khò kha-tshiú
會曉落注會曉收
ē-hiáu lo̍h-tù ē-hiáu siu
想欲大趁做大跤
siūnn-beh tuā-thàn tsò tuā-kha
自己造業自己擔
tsū-kí tsō-gia̍p tsū-kí tann
股市捙拚快見利
kóo-tshī tshia-piànn khuài kiàn lī
祝恁大家大趁錢
tsiok lín tāi-ke tuā thàn-tsînn
