筊毋通跋
《筊毋通跋》Kiáu M̄-thang Pua̍h
劉福助 Lâu Hok-tsōo
——————————————
筊是毋通跋喔
kiáu sī m̄-thang pua̍h–ooh
筊仔若欲跋
kiáu-á nā beh pua̍h
是會艱苦
sī ē kan-khóo
筊毋通跋
kiáu m̄-thang pua̍h
筊仔毋通跋
kiáu-á m̄-thang pua̍h
筊若欲跋
kiáu nā beh pua̍h
仙趁都袂快活
sian thàn to bē khuìnn-ua̍h
做人閣著實在
tsò-lâng koh tio̍h si̍t-tsāi
著愛照步來啊
tio̍h-ài tsiàu-pōo-lâi–ah
毋通欲痟貪
m̄-thang beh siáu-tham
痟貪就軁雞籠
siáu-tham tiō nǹg ke-lam
人講十一支仔
lâng kóng tsa̍p-it-ki-á
跋久無到
pua̍h kú bô kàu
坐久人真虛
tsē kú lâng tsin hi
你嘛毋通跋牌九
lí mā m̄-thang pua̍h pâi-káu
輸著你會吼
su tio̍h lí ē háu
五張叫拍-phe(pair)
gōo-tiunn kiò phah-phe
輸著你會袂呼雞
su tio̍h lí ē bē khoo-ke
十三張佮搖骰仔倌
tsa̍p-sann-tiunn kah iô-tāu-á-kuann
輸著你會袂收山
su tio̍h lí ē bē-siu-suann
二一點佮十點半
jī-it-tiám kah tsa̍p-tiám-puànn
輸著家伙了一半
su tio̍h ke-hué liáu tsi̍t-puànn
毋通跋十胡
m̄-thang pua̍h tsa̍p-ôo
筊輸家伙爛糊糊
kiáu su ke-hué nuā-kôo-kôo
傾家蕩產起糊塗
khing-ka-tōng-sán khí hôo-tôo
毋通跋麻雀
m̄-thang pua̍h mâ-tshiok
輸筊欠錢走夆逐
su kiáu khiàm-tsînn tsáu hông jiok
掠著會夆摃
lia̍h–tio̍h ē hông kòng
後擺我毋敢碰
āu-pái guá m̄-kánn phòng
十八仔著愛東
si̍p-pat-á tio̍h-ài tong
啊無東跋碗公
ah bô tong pua̍h uánn-kong
毋東跋三公
m̄ tong pua̍h sam-kong
啊三公贏袂落
ah sam-kong iânn bē lak
筊輸某囝賣擲捒
kiáu su bóo-kiánn bē tàn-sak
無錢起連回
bô-tsînn khí liân-huê
筊輸人剝皮
kiáu su lâng pak-phuê
毋通閣跋
m̄-thang koh pua̍h
毋通閣跋
m̄-thang koh pua̍h
毋通閣跋
m̄-thang koh pua̍h
毋通閣跋啦
m̄-thang koh pua̍h–lah
你若欲閣跋
lí nā beh koh pua̍h
恁厝爸母袂快活
lín-tshù pē-bú bē khuìnn-ua̍h
你若欲閣跋
lí nā beh koh pua̍h
恁囝四散無人?
lín-kiánn sì-suànn bô-lâng tshuā
啊你若欲閣跋
ah lí nā beh koh pua̍h
恁某怨嘆毋愛活
lín bóo uàn-thàn m̄ ài ua̍h
怨嘆嫁著跋筊翁
uàn-thàn kè tio̍h pua̍h-kiáu ang
筊輸米甕仔弄叮噹
kiáu su bí-àng-á lāng tin-tang
有時褲底穿甲破一空
ū sî khòo-té tshīng kah phuà tsi̍t-khang
啊欲哭嘛無彩工
ah beh khàu mā bô-tshái-kang
勸恁小姐若欲嫁翁
khǹg lín sió-tsiá nā beh kè-ang
目睭擘予金噹噹
ba̍k-tsiu peh hōo kim-tang-tang
毋通嫁了怨嘆就毋通
m̄-thang kè liáu uàn-thàn tiō m̄-thang
爸勸囝
pē khǹg kiánn
跋輸就知影
pua̍h-su tiō tsai-iánn
囝勸爸
kiánn khǹg pē
筊輸田厝攏總賣
kiáu su tshân-tshù lóng-tsóng bē
某囝艱苦做奴隸
bóo-kiánn kan-khóo tsò lôo-lē
某勸翁
bóo khǹg ang
跋筊咱毋通
pua̍h-kiáu lán m̄-thang
翁勸某
ang khǹg bóo
跋輸會艱苦
pua̍h-su ē kan-khóo
苦勸社會親情朋友佮五十
khóo-khǹg siā-huē tshin-tsiânn pîng-iú kah gōo-tsa̍p
跋筊真無通
pua̍h-kiáu tsin bô-thong
筊輸無錢會起悾
kiáu su bô-tsînn ē khí-khong
起悾起戇卸祖公
khí-khong khí-gōng sià-tsóo-kong
起悾起戇卸祖公
khí-khong khí-gōng sià-tsóo-kong
卸祖公
sià-tsóo-kong
