種匏仔生菜瓜
《種匏仔生菜瓜》Tsìng Pû-á Sinn Tshài-kue
劉福助Lâu Hok-tsōo
——————————————
種匏仔共我生菜瓜喔
tsìng pû-á kā guá sinn tshài-kue–ooh
張飛本來就歹性地
Tiunn Hui pún-lâi tsiū pháinn-sìng-tē
風流阿娘眾人的啦
hong-liû a-niû tsiòng-lâng ê–lah
一个交過又一个喔
tsi̍t-ê kau kuè iū tsi̍t-ê–ooh
林菝仔開花滿四界啊
ná-pua̍t-á khui-hue muá-sì-kè–ah
烏鶖騎牛也會跋落地
oo-tshiu khiâ gû iā ē pua̍h lo̍h-tē
意愛的人真歹揣呢
ì-ài ê lâng tsin pháinn tshuē–neh
搭著一个咧夯枷喔
tah-tio̍h tsi̍t-ê teh giâ-kê–ooh
阮姼仔妖嬌若柴耙喔
gún tshit-á iau-kiau ná tshâ-pê–ooh
出門無愛喔予我綴
tshut-mn̂g bô-ài–ooh hōo guá tuè
嫌阮佮伊無四配呢
hiâm gún kah i bô sù-phuè–neh
毋知家己鴨母蹄喔
m̄-tsai ka-kī ah-bó-tê–ooh
愛人仔欲交看詳細喔
ài-jîn–á beh kau khuànn siông-sè–ooh
毋通像我喔遮狼狽
m̄-thang tshiūnn guá–ooh tsiah liông-puē
親像麻花彈琵琶啦
tshin-tshiūnn bâ-hue tuânn pî-pê–lah
偏偏娶著伊一个喔
phian-phian tshuā-tio̍h i tsi̍t-ê–ooh
