牽仙調
《牽仙調》Khan-sian-tiāu
劉福助 Lâu Hok-tsōo
——————————————
阮啊公啊對啊阮啊
gún–ah kong–ah tuì–ah gún-ah
有啊交啊代喔
ū–ah kau–ah tāi–ooh
叫儂家欲請眾啊仙啊
kiò nńg-nga beh tshiánn tsiòng–ah sian–ah
來啊擺啊陣啊囉
lâi–ah pâi–ah tīn–ah–loh
第啊一啊欲啊調啊
tē–ah it–ah beh–ah tiāu–ah
孫啊悟啊空喔
Sun–ah Ngōo–ah Khong–ooh
第啊二啊欲啊調啊
tē–ah jī–ah beh–ah tiāu–ah
豬啊八啊戒喔
Ti–ah Pat–ah Kài–ooh
第啊三啊
tē–ah sann–ah
欲請李哪吒來喔
beh tshiánn Lí-lô-tshia lâi–ooh
真啊僫調囉
tsin–ah oh tiāu–loh
阮親家雷公囉
gún tshin-ke Luî-kong–loh
平常時無聯絡
pîng-siông-sî bô liân-lo̍k
蹛佇佗位嘛毋知
tuà tī tó-uī mā m̄-tsai
烏暗天啊才會來
oo-àm-thinn–ah tsiah-ē lâi
猶一个風流仙呂洞賓
iáu tsi̍t-ê hong-liû-sian Lī Tōng-pin
真害囉
tsin hāi–loh
雲啊遊啊四啊海啊去喔
hûn–ah iû–ah sù–ah hái–ah khì–ooh
八啊仙過啊海
pat–ah sian kuè–ah hái
去?迌喔
khì thit-thô–ooh
—
阮啊公啊對啊阮啊
gún–ah kong–ah tuì–ah gún–ah
有啊交啊代喔
ū–ah kau–ah tāi–ooh
叫儂家欲請眾啊仙啊
kiò nńg-nga beh tshiánn tsiòng–ah sian–ah
來啊擺啊陣啊囉
lâi–ah pâi–ah tīn–ah–loh
金啊童啊玉啊女啊
Kim–ah Tông–ah Gio̍k–ah Lú–ah
當啊熱啊戀喔
tng–ah jia̍t–ah luân–ooh
天啊兵啊天啊將啊
thian–ah ping–ah thian–ah tsiòng–ah
走啊去藏喔
tsáu–ah khì tshàng–ooh
欲啊請啊濟公啊
beh–ah tshiánn–ah Tsè-kong–ah
咧酒醉喔
teh tsiú-tsuì–ooh
真啊僫調囉
tsin–ah oh tiāu–loh
天庭的大仙囉
thian-tîng ê tāi-sian–loh
茫啊茫啊渺啊渺啊
bông–ah bông–ah biáu–ah biáu–ah
有的是真?走
ū-ê sī tsin gâu tsáu
凡間伊攏無來到
hān-kan i lóng bô lâi-kàu
土地公上死忠
Thóo-tī-kong siōng sí-tiong
蹛佇咧溝岸啊囉
tuà tī-teh kau-huānn–ah–loh
保護著大細漢喔
pó-hōo tio̍h tuā-sè-hàn–ooh
透早到啊暗啊
thàu-tsá kàu–ah àm–ah
攏無歇睏喔
lóng bô hioh-khùn–ooh
