江湖奇女
《江湖奇女》Kang-ôo Kî-lú
慧卿Huī-khing
——————————————
啉雄酒啉雄酒
lim hiông-tsiú lim hiông-tsiú
啉雄酒啉雄酒
lim hiông-tsiú lim hiông-tsiú
為何來啉雄酒
uī-hô lâi lim hiông-tsiú
學風流學風流
o̍h hong-liû o̍h hong-liû
學風流學風流
o̍h hong-liû o̍h hong-liû
為何我會學風流
uī-hô guá ē o̍h hong-liû
我毋願放你干休
guá m̄-guān pàng lí kan-hiu
你是我的冤仇
lí sī guá ê uan-siû
無揣伊清算
bô tshuē i tshing-sǹg
總是毋願放干休
tsóng-sī m̄-guān pàng kan-hiu
日日心憂
ji̍t-ji̍t sim iu
夜夜哀愁
iā-iā ai-tshiû
為何我會暝日憂愁
uī-hô guá ē mî-ji̍t iu-tshiû
為何如此唷
uī-hô jû-tshú–iooh
遮歹命遮歹命
tsiah pháinn-miā tsiah pháinn-miā
遮歹命遮歹命
tsiah pháinn-miā tsiah pháinn-miā
為何會遮歹命
uī-hô ē tsiah pháinn-miā
毋知影毋知影
m̄ tsai-iánn m̄ tsai-iánn
毋知影毋知影
m̄ tsai-iánn m̄ tsai-iánn
為何墜落烏暗城
uī-hô tuī-lo̍h oo-àm-siânn
我毋是小小娘囝
guá m̄-sī sió-sió niû-kiánn
就是一个女妖精
tsiū-sī tsi̍t-ê lú-iau-tsiann
淪落在江湖拚命
lûn lo̍h tsāi kang-ôo piànn-miā
毋管好歹名
m̄-kuán hó-pháinn miâ
風吹也行
hong tshue iā kiânn
雨落也行
hōo lo̍h iā kiânn
為何變成這款的命
uī-hô piàn-sîng tsit khuán ê miā
為何如此唷
uī-hô jû-tshú–iooh
烏暗路烏暗路
oo-àm-lōo oo-àm-lōo
烏暗路烏暗路
oo-àm-lōo oo-àm-lōo
為何走烏暗路
uī-hô tsáu oo-àm-lōo
無前途無前途
bô tsiân-tôo bô tsiân-tôo
無前途無前途
bô tsiân-tôo bô tsiân-tôo
怎有光明的前途
tsuánn ū kong-bîng ê tsiân-tôo
為何阮墜落江湖
uī-hô gún tuī-lo̍h kang-ôo
受盡萬般的苦楚
siū-tsīn bān-puann ê khóo-tshóo
甘願走這條的路
kam-guān tsáu tsit tiâu ê lōo
坎坷的路途
khám-khia̍t ê lōo-tôo
走錯了路
tsáu tshò liáu lōo
悔不當初
hué put tong-tshoo
為何我會走錯了路
uī-hô guá ē tsáu tshò liáu lōo
為何如此唷
uī-hô jû-tshú–iooh
