歹命囝
《歹命囝》Pháinn-miā Kiánn
劉福助Lâu Hok-tsōo
——————————————
天頂的星金爍爍
thinn-tíng ê tshinn kim sih-sih
流浪的心真稀微
liû-lōng ê sim tsin hi-bî
佗一粒是我的星
tó tsi̍t-lia̍p sī guá ê tshinn
害我人生真無味
hāi guá jîn-sing tsin bô-bī
美麗的夢若失去
bí-lē ê bāng nā sit–khì
現實的風冷絲絲
hiān-si̍t ê hong líng si-si
按怎生做歹命囝
án-tsuánn sinn-tsuè pháinn-miā kiánn
阿母叫我愛認命
a-bú kiò guá ài jīn-miā
海邊水波白爍爍
hái-pinn tsuí-pho pe̍h sih-sih
流浪的心真稀微
liû-lōng ê sim tsin hi-bî
佗一位是我的家
tó tsi̍t-uī sī guá ê ke
茫茫大海真歹揣
bông-bông tuā-hái tsin pháinn tshē
為著三頓去拍拚
uī-tio̍h sann-tǹg khì phah-piànn
東西南北攏愛行
tang-sai-lâm-pak lóng ài kiânn
按怎生做歹命囝
án-tsuánn sinn-tsuè pháinn-miā kiánn
阿母叫我愛認命
a-bú kiò guá ài jīn-miā
都市燈火光爍爍
too-tshī ting-hé kng sih-sih
流浪的心真稀微
liû-lōng ê sim tsin hi-bî
佗一爿是我故鄉
tó tsi̍t-pîng sī guá kòo-hiong
細聲來叫爸母名
suè-siann lâi kiò pē-bú miâ
青山雖然到處有
tshing-san sui-jiân tò-tshù ū
爸母恩情何時報
pē-bú un-tsîng hô-sî pò
按怎生做歹命囝
án-tsuánn sinn-tsuè pháinn-miā kiánn
阿母叫我愛認命
a-bú kiò guá ài jīn-miā
