愛忍耐
《愛忍耐》Ài Jím-nāi
劉福助Lâu Hok-tsōo
——————————————
自彼日咱來分離
tsū hit-ji̍t lán lâi hun-lî
已經過了兩三年
í-king kè-liáu nn̄g-sann nî
暝日來想念著你
mî-ji̍t lâi siūnn-liām tio̍h lí
怎樣過日子
tsuánn-iūnn kè ji̍t-tsí
總是希望你愛忍耐
tsóng-sī hi-bāng lí ài jím-nāi
等我成功倒轉去
tán guá sîng-kong tò-tńg–khì
有一日總會完成著意志
ū-tsi̍t-ji̍t tsóng ē uân-sîng tio̍h ì-tsì
請你毋通心稀微
tshiánn lí m̄-thang sim hi-bî
雖然是咱分東西
sui-jiân sī lán hun tang-sai
雙人情誼永遠在
siang-lâng tsîng-gî íng-uán tsāi
流浪兒為著將來
liû-lōng-jî uī-tio̍h tsiong-lâi
走遍了天涯
tsáu phiàn liáu thian-gâi
總是希望你愛忍耐
tsóng-sī hi-bāng lí ài jím-nāi
毋通悲傷流目屎
m̄-thang pi-siong lâu ba̍k-sái
毋管是受著啥款的阻礙
m̄-kuán sī siū-tio̍h siánn khuán ê tsóo-gāi
決心達成咱情愛
kuat-sim ta̍t-sîng lán tsîng-ài
若看人雙雙對對
nā khuànn lâng siang-siang-tuì-tuì
纏綿情侶結相隨
tînn-mî tsîng-lī kiat-sio-suî
為怎樣咱來分開
uī-tsuánn-iūnn lán lâi hun-khui
一人踮一位
tsi̍t-lâng tiàm tsi̍t-uī
總是希望你愛忍耐
tsóng-sī hi-bāng lí ài jím-nāi
忍住滿腹的珠淚
jím-tsū muá-pak ê tsu-luī
合力來拍拚困難的重圍
ha̍p-li̍k lâi phah-piànn khùn-lân ê tiông-uî
希望早日會做堆
hi-bāng tsá-ji̍t ē tsuè-tui
