宜蘭人

《宜蘭人》Í-lân-lâng
劉福助Lâu Hok-tsōo
——————————————
火車行到淡啊水港
hué-tshia kiânn kàu tām–ah tsuí-káng
玫瑰野味遮爾芳
muî-kuì iá-bī tsiah-nī phang
對面彼間的啊樓窗
tuì-bīn hit king ê–ah lâu-thang
阿娘個個媠噹噹
a-niû kò-kò suí-tang-tang
行入一間的啊樓房
kiânn-ji̍p tsi̍t-king ê–ah lâu-pâng
未曾啉酒心茫茫
buē-tsîng lim-tsiú sim bâng-bâng
阿娘仔手腕真啊正勥
a-niû-á tshiú-uánn tsin–ah tsiànn khiàng
共阮拐甲空空空
kā gún kuái kah kha̋ng-khang-khang
有錢交關緣啊投桑
ū-tsînn kau-kuan iân–ah tâu-sàng
無錢講伊毋捌人
bô-tsînn kóng i m̄-pat lâng
老實當做阮啊盼盼
láu-si̍t tòng-tsuè gún–ah phàn-phàn
予伊凝到心規丸
hōo i gîng kah sim kui-uân
想著袂爽真啊怨嘆
siūnn-tio̍h buē sóng tsin–ah uàn-thàn
毋成姼仔痟叮噹
m̄-tsiânn tshit-á siáu tin-tang
彼款查某仙啊毋通
hit khuán tsa-bóo sian–ah m̄-thang
佮伊來往了戇工
kah i lâi-óng liáu gōng-kang
翻頭想欲轉啊宜蘭
huan-thâu siūnn-beh tńg–ah Gî-lân
無疑搭車毋著班
bô-gî tah-tshia m̄-tio̍h pan
拂對南港過啊基隆
hut tuì Lâm-káng kuè–ah Ke-lâng
實在有影氣死人
si̍t-tsāi ū-iánn khì-sí lâng
茫茫渺渺毋啊知人
bông-bông biáu-biáu m̄–ah tsai-lâng
管伊往西抑往東
kuán i óng- sai ia̍h óng-tang
阮的家伙幾啊千萬
gún ê ke-hué kuí–ah tshing-bān
任伊開嘛開袂空
jīm i khai mā khai buē-khang

您可能也會喜歡…

跳至工具列