孤單赤赤
《孤單赤赤》Koo-tuann Tshiah-tshiah
潘佩莉Phuann Puē-lī
——————————————
怎樣又閣入來到遮
tsuánn-iūnn iū-koh ji̍p-lâi kàu tsia
雙人熟似的咖啡廳
siang-lâng si̍k-sāi ê ka-pi-thiann
到底按怎
tàu-té án-tsuánn
是為按怎
sī uī-án-tsuánn
我前看後看
guá tsîng khuànn āu khuànn
揣無你的影
tshuē-bô lí ê iánn
期待你全心來愛我
kî-thāi lí tsuân sim lâi ài guá
無愛一个人跳赤赤
bô-ài tsi̍t-ê-lâng thiàu tshiah-tshiah
是好天氣抑落雨天
sī hó thinn-khì ia̍h lo̍h-hōo-thinn
我實在毋願無你在身邊
guá si̍t-tsāi m̄-guān bô lí tsāi sin-pinn
等來等去
tán-lâi tán-khì
等無一句話
tán-bô tsi̍t-kù uē
敢講你攏袂歹勢
kám-kóng lí lóng buē pháinn-sè
只好將你藏佇夢中見
tsí-hó tsiong lí tshàng tī bāng-tiong kìnn
傷心到半暝
siong-sim kàu puànn-mî
赤赤赤赤
tshiah-tshiah tshiah-tshiah
等愛的赤赤
tán ài ê tshiah-tshiah
你的心無佇遮
lí ê sim bô tī tsia
若跳完這首歌
nā thiàu uân tsit siú kua
你就會來揣我
lí tiō ē lâi tshuē guá
請你莫欺騙我
tshiánn lí mài khi-phiàn guá
喔~痴情心疼
ooh~ tshi-tsîng sim thiànn
孤單的赤赤
koo-tuann ê tshiah-tshiah
目屎是滴袂煞
ba̍k-sái sī tih buē-suah
請毋通閣拖沙
tshiánn m̄-thang koh thua-sua
越過頭來揣我
ua̍t-kuè thâu lâi tshuē guá
溫柔對待我
un-jiû tuì-thāi guá
